நண்பன் படத்தில் விஜய்யின் நடிப்பை பார்த்து பாராட்டியிருக்கிறார் நடிகர் கமல்ஹாசன். ஷங்கர் இயக்கத்தில் விஜய், ஸ்ரீகாந்த், ஜீவா, இலியானா நடிப்பில் இந்த பொங்கலுக்கு ரிலீசான படம் நண்பன். இந்தியில் வெளிவந்த 3-இடியட்ஸ் படத்தின் ரீ-மேக்கான இப்படம், ஹிட்டாகியுள்ளது. இதனால் விஜய் ஏக குஷியில் இருக்கிறார். 

இந்நிலையில் விஸ்வரூபம் படத்தில் பிஸியாக இருக்கும் கமல்ஹாசன், அமெரிக்காவில் சூட்டிங்கை முடித்து கொண்டு சென்னை திரும்பியுள்ளார். சென்னை திரும்பிய அவருக்கு நண்பன் படத்தின் பிரத்யேக காட்சி திரையிடப்பட்டது. கமல்ஹாசன், விஜய் உள்ளிட்டவர்கள் இப்படத்தை பார்த்தனர். படத்தை பார்த்து முடித்ததும் விஜய்யை வெகுவாக பாராட்டியிருக்கிறார் கமல்ஹாசன். ஏற்கனவே படம் ஹிட்டான மகிழ்ச்சி, இப்போது கமலின் பாராட்டு என உற்சாகத்தில் மிதக்கிறார் விஜய்.

Share this post